<h2>ارض و سما کہاں تری وسعت کو پا سکے</h2> <h2>میرا ہی دل ہے وہ کہ جہاں تو سما سکے</h2> <h2>وحدت میں تیری حرف دوئی کا نہ آ سکے</h2> <h2>آئینہ کیا مجال تجھے منہ دکھا سکے</h2> <h2>ہم بھی جرس کی طرح تو اس قافلے کے ساتھ</h2> <h2>میں وہ فتادہ ہوں کہ بغیر از فنا مجھے</h2> <h2>نقش قدم کی طرح نہ کوئی اٹھا سکے</h2> <h2>قاصد نہیں یہ کام ترا اپنی راہ لے</h2> <h2>اس کا پیام دل کے سوا کون لا سکے</h2> <h2>غافل خدا کی یاد پہ مت بھول زینہار</h2> <h2>اپنے تئیں بھلا دے اگر تو بھلا سکے</h2> <h2>یارب یہ کیا طلسم ہے ادراک و فہم یاں</h2> <h2>دوڑے ہزار آپ سے باہر نہ جا سکے</h2> <h2> گو بحث کر کے بات بٹھائی بھی کیا حصول</h2> <h2>دل سے اٹھا غلاف اگر تو اٹھا سکے</h2> <h2>اطفائے نار عشق نہ ہو آب اشک سے</h2> <h2>یہ آگ وہ نہیں جسے پانی بجھا سکے</h2> <h2>مست شراب عشق وہ بے خود ہے جس کو حشر</h2> <h2>اے دردؔ چاہے لائے بہ خود پر نہ لا سکے</h2> <h3>میر درد </h3>